နဘယံ ….ဘေးဟူသမျှမရှိ၊ကပ်ဟူသမျှကင်းကြပါစေ

 နဘယံ ….ဘေးဟူသမျှမရှိ၊ကပ်ဟူသမျှကင်းကြပါစေ

လူတိုင်းဟာ ကျန်းကျန်းမာမာ၊ချမ်းချမ်းသာသာနဲ့ သက်တမ်းစေ့နေသွားချင်သူတွေပါပဲ။ ဒါကလူတွေတင် မဟုတ်ဘဲ တိရစ္ဆာန်တွေမှာတောင် ကိုယ်အသက်ကို ကိုယ်နှမြောကြတာပဲလေ။ ဖြစ်ချင်တန်ဖြစ်၊ ပျက်ချိန်တန်ပျက် ဆိုပေမယ့် ကိုယ်သတိမကပ်လို့ ပျက်ချိန်မတန်ဘဲ ပျက်သွားခဲ့ရင် ရခဲလှတဲ့ လူဘ၀မှာ အချည်းနှီးဖြစ်ရချည်ရဲ့ဗျာ။

ကပ်ရောဂါတွေကြုံလာရတဲ့ အချိန်မှာတော့ မလွှဲသာမရှောင်သာ သူသူငါငါ ခံကြရလေ့ရှိပါတယ်။ သာမန် မျက်စိနဲ့ မြင်ရတဲ့ ရန်သူကို ကိုယ်အားရှိသလောက် တွန်းလှန်တိုက်ခိုက်နိုင်ပေမယ့် သာမန်မျက်စိနဲ့မမြင်နိုင်တဲ့ ရန်သူကိုတော့ ကိုယ်စွမ်းအားနဲ့တင်မရဘဲ ဉာဏ်စွမ်းအားလဲရှိမှပဲ တွန်းလှန်နိုင်မည်မဟုတ်လား။

COVID-19 နဲ့ ပက်သက်တဲ့ Awareness တွေကိုလဲ fb ဖွင့်ကြည်လိုက်တာနဲ့ မြင်နေရပြီးသားပဲဖြစ်ပါတယ်။ ဒါကြောင့်ဒီအကြောင်းတွေကို ထပ်ထပ်ပြောနေတော့မှာမဟုတ်ဘဲ မိမိတတ်ကျွမ်းတဲ့ ပညာရပ်ကနေတစ်ဖက်တစ် လမ်းကနေ အထောက်အကူဖြစ်စေဖို့ ရေးသားလိုက်ခြင်းဖြစ်ပါတယ်။

ကပ်ဘေးဒဏ်ရန်မာန်အန္တရာယ်တွေကကင်းလွတ်အောင်လို့ရတနာသုတ်ပရိတ်တော်ကြီးလဲ အားကိုးတကြီး ရွတ်ဖတ်ကြဖို့လဲ ပြောခဲ့ပြီးပါပြီ။ ထပ်လောင်းပြောလိုတာက မနက်တစ်ကြိမ်၊နေ့လည်တစ်ကြိမ်၊ညတစ်ကြိမ် သုံးကြိမ်တော့ အနည်းဆုံးရွတ်စေချင်ပါတယ်။ ဒါအပြင် မေတ္တာခြုံရင် လုံတယ်ဆိုတဲ့စကားအတိုင်း မေတ္တာတရား ပွားများဖို့လဲလိုပါသေးတယ်။ ဘုရားဆောင်ရှေ့မှာထိုင်ပြီးတော့ ဘုရားရှစ်ခိုးပြီးမှ မေတ္တာပို့ရမယ်အောက်မေ့နေ တယ်ဆိုရင်တော့ မဟုတ်သေးပါဘူးဗျ။

ဘုရားရှင်က မေတ္တာပို့တဲ့ အလုပ်ကို ‘’သွား၊ထိုင်၊ရပ်၊လျောင်း’’ ဣရိယာပုတ် လေးပါးစလုံးမှာ လုပ်ကြရမယ်လို့ ဟောကြားတော်မူခဲ့တာကို မမေ့မလျော့သင့်ပါဘူး။

‘’သတ္တဝါများ ကျန်းမာချမ်းသာကြပါစေ။ ဆင်းရဲခပ်သိမ်းငြိမ်းကြပါစေ။ ကပ်ကြီးသုံးပါး ကျော်နင်းနိုင်ကြပါစေ။ နှလုံးစိတ်ဝမ်းအေးချမ်းကြပါစေ။ သူတော်ကောင်းစိတ် မွေးမြူနိုင်ကြပါစေ’’ စသည်ဖြင့် မိမိပွားများတတ်သလို စိတ်ညွှတ်ပြီး ပွားများနေစေချင်ပါတယ်။ မေတ္တာတရားဖြစ်တဲ့ အဒေါသရဲ့ ဆန့်ကျင်ဘက်က ဒေါသပါပဲ။ စိုးရိမ်တာ၊ကြောက်တာ၊ပူပန်တာ တွေက ဒေါသကိလေသာထဲမှာ ပါဝင်ပါတယ်ဗျ။ စိုးရိမ်နေတာ ဒေါသဖြစ်နေတာပါပဲ။ ဒါကြောင့် မေတ္တာပွားမယ်ဆိုရင်တော့ စိုးရိမ်စိတ်၊ကြောက်လွန်းတဲ့ စိတ်တွေကို လျှော့ချပြီးပွားမှပဲ တကယ်ထိရောက်ပါလိမ့်မယ်။

တစ်အိမ်မှာ တစ်ယောက်က မေတ္တာပွားတယ်ဆိုရင်တောင် အိမ်ခြေတစ်ထောင်ရှိတဲ့ ရွာတစ်ရွာမှာ လူတစ်ထောင် မေတ္တာတရားတွေပွားများပြီးသားဖြစ်နေပါလိမ့်မယ်။ ဒါဆိုဒီမြို့ဒီရွာလုံခြုံမှုတွေရှိစေတာပေါ့ဗျာ။ဒါအပြင် သူတော်ကောင်း၊ သူမြတ်လောင်းတွေရဲ့ မေတ္တာကိုလဲခံယူဖို့လိုပါတယ်။ ဒါကတော့ နေ့တစ်နေ့ရဲ့ စိတ်အကြည်လင်ဆုံးအချိန်မှ ဆောင်ရွက်ရပါ တယ်။

လူတိုင်းက မနက်မိုးလင်းချိန်ဆိုရင်တော့ စိတ်ကြည်လင်လန်းဆန်းကြတာများပါတယ်။ ဒါကြောင့် မနက်မိုးလင်းတာနဲ့ မိမိသက်သောင့်သက်သာ အနေအထားမျိုး ထိုင်ပြီး ‘’သူတော်ကောင်း၊သူမြတ်လောင်းတွေ၊ အရိယာပုဂ္ဂိုလ်တွေ၊သီလ သမာဓိ ရှိသူတွေရဲ့ ပို့သတဲ့ မေတ္တာကို ခံယူဆောက်တည်ပါတယ် " လို့ စိတ်ညွှတ်ပြီး ခံယူပါ။ ခဏလောက် ဘာအတွေးမှမဝင်ဘဲ မေတ္တာခံယူဖို့ပဲ စိတ်ညွှတ်နေလိုက်ပါ။ ဒါဆို ဒီတစ်နေ့တာအတွက် လုံလောက်ပါတယ်။ နေ့စဉ်ဆောင်ရွက်နိုင်ရင်အကောင်းဆုံးပါပဲ။

နောက်ဆုံးတစ်ခုကတော့ အခုပုံတင်ထားတဲ့ အရဟံစမနဲ့ နဘယံ စမပုံကို မိမိတို့ကိုယ်တိုင် အိမ်အဝင်ရဲ့ ခေါင်းရင်း အမြင့်တစ်နေရာမှာ မြေဖြူရေးတာပဲဖြစ်ဖြစ်၊ ဆေးတစ်မျိုးနဲ့ရေးတာပဲဖြစ်ဖြစ်ရေးထားစေချင်ပါတယ်။ ဒါမှမဟုတ် အခုအောက်ကပုံကို မိတ္တူဆွဲကဒ်လောင်းပြီး ချိတ်ဆွဲထားလဲရပါတယ်။ ကာလာအရောင်နဲ့မှမဟုတ်ဘဲ အဖြူအမဲဆို လဲရပါတယ်။ ရှေ့မီနောက်မီလူကြီးသူမ တွေကို ဒီပုံကိုသိပါလိမ့်မယ်။ ဒီဘက်ခေတ်မှာတော့ နယ်ဘက်က ရှေ့ဟောင်းအိမ်တွေ လောက်မှာသာ တွေ့နိုင်ပါတော့ မယ်။ တော်တော်ရှားသွားပါပြီ။ ရှေး‌ခေတ်အိမ်တွေ တော်တော်များများမှာ အခုလို စီရင် ဆောင်ရွက်ထားလေ့ရှိပါတယ်။ ကောင်းကျိုးက ကပ်သုံးပါးကိုကျော်လွှားနိုင်ပါတယ်။ သူခိုးဓားပြကစလို့ ရန်သူမျိုးငါးပါး ရန်က ကင်းပါတယ်။ မကောင်းတဲ့ အတတ်တွေနဲ့ မိမိအိမ်ကို တိုက်လို့မရပါဘူး။ အိမ်သားတွေကလဲ သီလရှိသူတွေဖြစ်မယ်ဆိုရင် တရိပ်ရိပ်နဲ့ စီးပွားတတ်ပါတယ်ဆိုတဲ့အကြောင်းပြောရင်း နဲ့ နိဂုံးချုပ်အပ်ပါတယ်ဗျ။ ယုံကြည်သူများ အတွက်ဆောင်ရွက်နိုင်ဖို့ ပါ။ မယုံကြည်သူများ ကျော်သွားနိုင်ပါကြောင်း….။ ။

၇ရက်သားသမီးများအားလုံး ရောဂန္တရကပ်မှကင်းဝေးလွတ်မြောက်နိုင်ကြပါစေ။

ဆရာငြိမ်းအေးလူ

Zawgyi

နဘယံ ….ဘေးဟူသမျှမရှိ၊ကပ်ဟူသမျှကင်းကြပါစေ

လူတိုင်းဟာ ကျန်းကျန်းမာမာ၊ချမ်းချမ်းသာသာနဲ့ သက်တမ်းစေ့နေသွားချင်သူတွေပါပဲ။ ဒါကလူတွေတင် မဟုတ်ဘဲ တိရစ္ဆာန်တွေမှာတောင် ကိုယ်အသက်ကို ကိုယ်နှမြောကြတာပဲလေ။ ဖြစ်ချင်တန်ဖြစ်၊ ပျက်ချိန်တန်ပျက် ဆိုပေမယ့် ကိုယ်သတိမကပ်လို့ ပျက်ချိန်မတန်ဘဲ ပျက်သွားခဲ့ရင် ရခဲလှတဲ့ လူဘဝမှာ အချည်းနှီးဖြစ်ရချည်ရဲ့ဗျာ။

ကပ်ရောဂါတွေကြုံလာရတဲ့ အချိန်မှာတော့ မလွှဲသာမရှောင်သာ သူသူငါငါ ခံကြရလေ့ရှိပါတယ်။ သာမန် မျက်စိနဲ့ မြင်ရတဲ့ ရန်သူကို ကိုယ်အားရှိသလောက် တွန်းလှန်တိုက်ခိုက်နိုင်ပေမယ့် သာမန်မျက်စိနဲ့မမြင်နိုင်တဲ့ ရန်သူကိုတော့ ကိုယ်စွမ်းအားနဲ့တင်မရဘဲ ဉာဏ်စွမ်းအားလဲရှိမှပဲ တွန်းလှန်နိုင်မည်မဟုတ်လား။

COVID-19 နဲ့ ပက်သက်တဲ့ Awareness တွေကိုလဲ fb ဖွင့်ကြည်လိုက်တာနဲ့ မြင်နေရပြီးသားပဲဖြစ်ပါတယ်။ ဒါကြောင့်ဒီအကြောင်းတွေကို ထပ်ထပ်ပြောနေတော့မှာမဟုတ်ဘဲ မိမိတတ်ကျွမ်းတဲ့ ပညာရပ်ကနေတစ်ဖက်တစ် လမ်းကနေ အထောက်အကူဖြစ်စေဖို့ ရေးသားလိုက်ခြင်းဖြစ်ပါတယ်။

ကပ်ဘေးဒဏ်ရန်မာန်အန္တရာယ်တွေကကင်းလွတ်အောင်လို့ရတနာသုတ်ပရိတ်တော်ကြီးလဲ အားကိုးတကြီး ရွတ်ဖတ်ကြဖို့လဲ ပြောခဲ့ပြီးပါပြီ။ ထပ်လောင်းပြောလိုတာက မနက်တစ်ကြိမ်၊နေ့လည်တစ်ကြိမ်၊ညတစ်ကြိမ် သုံးကြိမ်တော့ အနည်းဆုံးရွတ်စေချင်ပါတယ်။ ဒါအပြင် မေတ္တာခြုံရင် လုံတယ်ဆိုတဲ့စကားအတိုင်း မေတ္တာတရား ပွားများဖို့လဲလိုပါသေးတယ်။ ဘုရားဆောင်ရှေ့မှာထိုင်ပြီးတော့ ဘုရားရှစ်ခိုးပြီးမှ မေတ္တာပို့ရမယ်အောက်မေ့နေ တယ်ဆိုရင်တော့ မဟုတ်သေးပါဘူးဗျ။

ဘုရားရှင်က မေတ္တာပို့တဲ့ အလုပ်ကို ‘’သွား၊ထိုင်၊ရပ်၊လျောင်း’’ ဣရိယာပုတ် လေးပါးစလုံးမှာ လုပ်ကြရမယ်လို့ ဟောကြားတော်မူခဲ့တာကို မမေ့မလျော့သင့်ပါဘူး။

‘’သတ္တဝါများ ကျန်းမာချမ်းသာကြပါစေ။ ဆင်းရဲခပ်သိမ်းငြိမ်းကြပါစေ။ ကပ်ကြီးသုံးပါး ကျော်နင်းနိုင်ကြပါစေ။ နှလုံးစိတ်ဝမ်းအေးချမ်းကြပါစေ။ သူတော်ကောင်းစိတ် မွေးမြူနိုင်ကြပါစေ’’ စသည်ဖြင့် မိမိပွားများတတ်သလို စိတ်ညွှတ်ပြီး ပွားများနေစေချင်ပါတယ်။ မေတ္တာတရားဖြစ်တဲ့ အဒေါသရဲ့ ဆန့်ကျင်ဘက်က ဒေါသပါပဲ။ စိုးရိမ်တာ၊ကြောက်တာ၊ပူပန်တာ တွေက ဒေါသကိလေသာထဲမှာ ပါဝင်ပါတယ်ဗျ။ စိုးရိမ်နေတာ ဒေါသဖြစ်နေတာပါပဲ။ ဒါကြောင့် မေတ္တာပွားမယ်ဆိုရင်တော့ စိုးရိမ်စိတ်၊ကြောက်လွန်းတဲ့ စိတ်တွေကို လျှော့ချပြီးပွားမှပဲ တကယ်ထိရောက်ပါလိမ့်မယ်။

တစ်အိမ်မှာ တစ်ယောက်က မေတ္တာပွားတယ်ဆိုရင်တောင် အိမ်ခြေတစ်ထောင်ရှိတဲ့ ရွာတစ်ရွာမှာ လူတစ်ထောင် မေတ္တာတရားတွေပွားများပြီးသားဖြစ်နေပါလိမ့်မယ်။ ဒါဆိုဒီမြို့ဒီရွာလုံခြုံမှုတွေရှိစေတာပေါ့ဗျာ။ဒါအပြင် သူတော်ကောင်း၊ သူမြတ်လောင်းတွေရဲ့ မေတ္တာကိုလဲခံယူဖို့လိုပါတယ်။ ဒါကတော့ နေ့တစ်နေ့ရဲ့ စိတ်အကြည်လင်ဆုံးအချိန်မှ ဆောင်ရွက်ရပါ တယ်။

လူတိုင်းက မနက်မိုးလင်းချိန်ဆိုရင်တော့ စိတ်ကြည်လင်လန်းဆန်းကြတာများပါတယ်။ ဒါကြောင့် မနက်မိုးလင်းတာနဲ့ မိမိသက်သောင့်သက်သာ အနေအထားမျိုး ထိုင်ပြီး ‘’သူတော်ကောင်း၊သူမြတ်လောင်းတွေ၊ အရိယာပုဂ္ဂိုလ်တွေ၊သီလ သမာဓိ ရှိသူတွေရဲ့ ပို့သတဲ့ မေတ္တာကို ခံယူဆောက်တည်ပါတယ် " လို့ စိတ်ညွှတ်ပြီး ခံယူပါ။ ခဏလောက် ဘာအတွေးမှမဝင်ဘဲ မေတ္တာခံယူဖို့ပဲ စိတ်ညွှတ်နေလိုက်ပါ။ ဒါဆို ဒီတစ်နေ့တာအတွက် လုံလောက်ပါတယ်။ နေ့စဉ်ဆောင်ရွက်နိုင်ရင်အကောင်းဆုံးပါပဲ။

နောက်ဆုံးတစ်ခုကတော့ အခုပုံတင်ထားတဲ့ အရဟံစမနဲ့ နဘယံ စမပုံကို မိမိတို့ကိုယ်တိုင် အိမ်အဝင်ရဲ့ ခေါင်းရင်း အမြင့်တစ်နေရာမှာ မြေဖြူရေးတာပဲဖြစ်ဖြစ်၊ ဆေးတစ်မျိုးနဲ့ရေးတာပဲဖြစ်ဖြစ်ရေးထားစေချင်ပါတယ်။ ဒါမှမဟုတ် အခုအောက်ကပုံကို မိတ္တူဆွဲကဒ်လောင်းပြီး ချိတ်ဆွဲထားလဲရပါတယ်။ ကာလာအရောင်နဲ့မှမဟုတ်ဘဲ အဖြူအမဲဆို လဲရပါတယ်။ ရှေ့မီနောက်မီလူကြီးသူမ တွေကို ဒီပုံကိုသိပါလိမ့်မယ်။ ဒီဘက်ခေတ်မှာတော့ နယ်ဘက်က ရှေ့ဟောင်းအိမ်တွေ လောက်မှာသာ တွေ့နိုင်ပါတော့ မယ်။ တော်တော်ရှားသွားပါပြီ။ ရှေး‌ခေတ်အိမ်တွေ တော်တော်များများမှာ အခုလို စီရင် ဆောင်ရွက်ထားလေ့ရှိပါတယ်။ ကောင်းကျိုးက ကပ်သုံးပါးကိုကျော်လွှားနိုင်ပါတယ်။ သူခိုးဓားပြကစလို့ ရန်သူမျိုးငါးပါး ရန်က ကင်းပါတယ်။ မကောင်းတဲ့ အတတ်တွေနဲ့ မိမိအိမ်ကို တိုက်လို့မရပါဘူး။ အိမ်သားတွေကလဲ သီလရှိသူတွေဖြစ်မယ်ဆိုရင် တရိပ်ရိပ်နဲ့ စီးပွားတတ်ပါတယ်ဆိုတဲ့အကြောင်းပြောရင်း နဲ့ နိဂုံးချုပ်အပ်ပါတယ်ဗျ။ ယုံကြည်သူများ အတွက်ဆောင်ရွက်နိုင်ဖို့ ပါ။ မယုံကြည်သူများ ကျော်သွားနိုင်ပါကြောင်း….။ ။

၇ရက်သားသမီးများအားလုံး ရောဂန္တရကပ်မှကင်းဝေးလွတ်မြောက်နိုင်ကြပါစေ။

ဆရာငြိမ်းအေးလူ