ကြည့်မှန် ......
ကြည့်မှန်လေးတစ်ချပ် ချိတ်ဆွဲထားရုံဖြင့်
ဘယ်လိုကိစ္စတွေမှာ အဆင်ပြေချောမွေ့စေသလဲ ?
ကြည့်မှန်ကို ယတြာအနေနဲ့ဘယ်လိုဓာတ်ဆင်ကြမလဲ?
အိမ်တွေဆိုင်တွေမှာ ဘယ်လိုနေရာတွေမှာ ချိတ်ဆွဲထားသင့်လဲ?
စတဲ့ မှန်တစ်ချပ်ရဲ့အသုံးဝင်ပုံတွေ ဒီနေရာမှာပြောပြမှာပါ။
ကြည့်မှန်ကြောင့် အဆင်ပြေသွားတဲ့ကိစ္စတော်တော်များများရှိနေကြပါတယ်။
ဆန်းဗေဒင်မှာ မိမိအိမ်ထက်ခြေရင်းအိမ်က အရမ်းမြင့်နေရင် ခြေရင်းအိမ်က မိန်းမဦးစီးတဲ့ အိမ်ပဲ လို့ပြောနိုင်သလို မိမိအိမ်ကအရမ်းသေးနေပြီး ခေါင်းရင်းအိမ် ခြေရင်းအိမ်က အရမ်မြင့်နေရင်း မိမိအိမ်လဲ အညံ့ထဲမှာရှိပါတယ်။ အောက်လက်ငယ်သားတွေ ကျန်းမာရေး စီးပွားရေးညံ့တတ်တာမျိုးကြုံရတတ်ပါတယ်။ နောက်ပြီးမျက်နှာချင်ဆိုင်အိမ်က အရမ်းမြင့်ပြီး ခေါင်းမိုးဒိုင်းအချွန်က မိမိအိမ်နဲ့တည့်တည့်ကျရင်မိမိအိမ် ကံညံ့တတ်ပါတယ်။ ဒါတွေက မြန်မာဆန်းဗေဒင်မှာရော တရုတ်ဖုန်းရွှေပညာမှာပါရှိတဲ့အကြောင်းအရာတွေပါ။
အဲဒီလိုနေအိမ်၏မျက်နှာချင်းဆိုင်မှာသော်လည်းကောင်း ၊ခြေရင်း ခေါင်းရင်းတွင်လည်းကောင်း စက်ရုံ အလုပ်ရုံ နေအိမ်ထက်ပိုမြင့်သော တိုက်၊အိမ်တစ်ခုခုရှိနေပါက သင့်အိမ်၏ ပြတင်းပေါက်တွင် ကြည့်မှန်တစ်ချပ်ကို တပ်ထားလိုက်ခြင်းအားဖြင့် ကံအညံ့တွေပြယ်ပြီး မိမိတို့လုပ်ကိုင်သမျှ အကြံအစည်များ အားလုံးအောင်မြင်စေနိုင်ပါသည်။ထိုမှန်ကို မကွဲစေရန် ဂရုစိုက်သင့်ပါတယ်။မတော်တဆကွဲသွားပါက ချက်ခြင်း အသစ်လဲလိုက်ပေါ့ဗျ။ မှန်ကို ခြေရင်းအိမ် ၊ခေါင်းရင်းအိမ်၊ မျက်နှာချင်းဆိုင်အိမ်တွေဘက်လှည့်ရမှာနော်။ ပြောင်းပြန်လဲဖြစ်နေအုံးမယ်။
နောက်ပြီးမိမိရဲ့ အိပ်ယာ၊ ခုတင် ရဲ့ အပေါ်တည့်တည့်မှာ ထုတ်တန်းတွေ ရှိရင်သရဲစီးသလို ဘီလူးစီးသလိုခံစားရတတ်ပါတယ်။ကျန်းမာရေးရှုထောင့်ကနေကြည့်ရင်တော့ ကျန်းမာရေးအားနည်းမှုကြောင့်သော်လည်ကောင်း အိပ်တာနည်းစနစ်မမှန်တာလဲဖြစ်နိုင်ပါတယ်။ ဘာပဲဖြစ်ဖြစ် အဲလိုမျိုးကြုံလာပြီဆိုရင် ထိုထုပ်တန်းတွင် မှန်တစ်ချပ်ချိတ်ဆွဲထားလိုက်ပါ။
********************************
ကိုယ့်အလုပ်မှာရှိတဲ့ မိမိရဲ့ အလုပ်စားပွဲအပေါ်တည့်တည့်မျက်နှာကြက်တွင် ထုပ်တန်းတစ်ခုရှိပါက အလုပ်ဝန်ပိခြင်း ၊မနိုင်ဝန်ထမ်းရခြင်း ၊စိတ်ပန်းလူပန်းဖြစ်ရခြင်း စသော ဝန်ပိခြင်းအမျိုးမျိုးကြံရတတ်ပါတယ်။
အဲလိုမျိုးကြုံရပြီဆိုရင် မိမိအလုပ်စားပွဲလေးကို အနည်းငယ်ရွေ့ထားလိုက်စေချင်ပါတယ်။
*********************************
အချို့အိမ်တွေမှာ ရှေ့ကနေလင်မယားနှစ်ယောက်စလုံးစီးပွားရှာနေကြတဲ့အတွက် မီးဖိုချောင်ကိစ္စတွေ အိမ်မှုကိစ္စတွေအတွက် အိမ်အကူဆိုတာမျိုးခေါ်ထားရတာတွေရှိပါတယ်။ အဲဒီမှာ ဘာတွေ့ရသလဲဆိုရင် အိမ်အကူမမြဲတာ လူလိမ်တွေနဲ့တွေ့တာ မိသားစုလိုသဘောထားပြီးလုပ်ပေးတဲ့ အိမ်အကူတွေအကြောင်းအမျိုးမျိုးကြောင့်အလုပ်ကထွက်တာမျိုး ကြုံရမျိုးတွေရှိပါတယ်။ အဲဒါဆိုရင်တော့ မီးဖိုဆောင်တွေ ထမင်းစားစားပွဲဘေးတွေမှာ ကြည့်မှန်ချပ်ကြီးကြီး တပ်ဆင်ထားခြင်းဖြင့် အိမ်အကူမြဲခြင်း အစားအသောက်ပေါများခြင်းများဖြစ်ပေါ်လာပါလိမ့်မယ်။
*********************************
စျေးဆိုင် ထမင်းဆိုင် ကုန်စုံဆိုင် လက်ဖက်ရည်ဆိုင် ဘယ်ဆိုင်တွေမှာမဆို ထိုဆိုင်ရဲ့ ငွေသိမ်းကောင်တာတွင် ကြည့်မှန် ကြီးတစ်ချပ်ချိတ်ထားခြင်းဖြင့် စီးပွားတတ်ခြင်း ဝင်ငွေနှစ်ဆတိုးပွားခြင်းတွေဖြစ်ပေါ်လာတော့တာပါပဲ။
*********************************
ဘော်ဒါဆောင်တွေ၊ ကိုယ်ပိုင်အထက်တန်းကျောင်းတွေ၊ကျူရှင်တွေ မူကြိုကျောင်းတွေ မှာ ကျောင်းသားနည်းနေတယ်ဆိုရင်တော့ Canteenလိုနေရာမျိုးမှာ ကြည့်မှန်ကြီးကြီးတစ်ချပ်ချိတ်ဆွဲထားခြင်းဖြင့် ကျောင်းသားဦးရေတိုးပွားလာပါလိမ့်မယ်။
ဝန်ထမ်းများများရှိတဲ့ ကုမ္ပဏီတွေ အလုပ်ရုံတွေ ဝပ်ရှော့တွေ စက်ရုံတွေ
ဝန်ထမ်းမမြဲတာမျိုးကြုံရပြီဆိုရင်တော့ dinning room လိုနေရာမျိုးမှာ မှန်တစ်ချပ် ချိတ်ဆွဲထားလိုက်ပါဗျ။ ဝန်ထမ်းမြဲလာပါလိမ့်မယ်။
*********************************
မိမိတို့နေသောအိမ်ဟာ လှေဦးတိုက် လှည်းဦးတိုက် ဟုခေါ်သော T ပုံစံ လမ်းထိပ်တည့်တည့်တွင် ရှိနေခဲ့ပါက ကြည့်မှန်တစ်ချပ်ကို ဝင်ပေါက်ထိပ်တွင် တပ်ဆင်ထားခြင်း ဒါမှမဟုတ်လမ်းဆုံထိပ်မှာရေချမ်းစင်လေးတည်ပေးထားခြင်းဖြင့် ကံကြမ္မာ အညံ့အဆိုးတွေမှ လွတ်ကင်းစေပါလိမ့်မယ်ဗျ။
ဒီလောက်ဆိုရင်တော့ မှန်တစ်ချပ်နဲ့
ဓာတ်ဆင်ပုံ ဆင်နည်းတွေကို သိလောက်ပြီထင်ပါတယ်ဗျ။ ။
အားလုံးသာယာချမ်းမြေ့တဲ့ဘဝကို
ပိုင်ဆိုင်နိုင်ကြပါစေ........
ငြိမ်းအေးလူ ဗေဒင်သုတေသီ
Comments
Post a Comment