ဒီတဘောင်ကို ဟိုးအရင်ဗေဒင်ပညာ သင်ယူကာစအသက် ၁၆ နှစ်အရွယ်ကတည်းကဆရာတွေပြောပြော ပြသဖြင့် နားရည်ဝခဲ့သည်။
မြန်မာနိုင်ငံရဲ့ အနာဂတ်အတွက်ဖြစ်ပေါ်လာမည့်အနေအထားတွေ ဆွေးနွေးခဲ့သည်။ ကျွန်တော်ကတော့ နားထောင်သူသက်သက်ပေါ့။
တဘောင်အတိုင်း တံတားတွေ တစ်ခုပြီးတစ်ခုအမြန်တည်ဆောက်လာကြသည်။
ဘုရားတွေရွှေရင်မောက်တယ်လို့ မြန်မာပြည်အထက်ပိုင်းမှာ ကြားခဲ့စဉ်က တဘောင်အတိုင်းဖြစ်လာပြီလို့ ဝမ်းသာခဲ့ဖူးတယ်။
ဆရာတွေက ပထမမြန်မာနိုင်ငံ ၊ ဒုတိယမြန်မာနိုင်ငံ၊
တတိယမြန်မာနိုင်ငံ စတုတ္ထမြန်မာနိုင်ငံ များကို ဦးဆောင်ခဲ့ကြသူတွေရဲ့ ဇာတာတွေကိုတွက်ပြခဲ့ဖူးသည်။
တနင်္ဂနွေနံနဲ့ စတင်ခဲ့တဲ့ ဦးဆောင်သူတွေလက်ထပ် မြန်မာနိုင်ငံဟာစည်ပင်ဝပြော၊ ဘာသာ သာသနာထွန်းကားခဲ့ကြတယ်။ အိမ်နီးချင်နိုင်ငံအထိတောင် တန်ခိုးထွား
သြဇာညောင်းခဲ့ဖူးသည်။
ပထမမြန်မာနိုင်ငံဖြစ်တဲ့အနော်ရထာလက်ထက်၊
ဒုတိယမြန်မာနိုင်ငံမှာ ဒုတိယအနော်ရထာလို့ သမိုင်းမှတ်တမ်းတင်ခဲ့တဲ့ ကျော်ထင်အနော်ရထာလက်ထက်၊ တတိယမြန်မာနိုင်ငံဖြစ်တဲ့ အလောင်းမင်းတရားလက်ထက် ၊ စတုတ္ထမြန်မာနိုင်ငံဖြစ်လာဖို့ နှစ်ပေါင်းများစွာသူ့ကျွန်ဘဝမှလွတ်မြောက်အောင်ကြိုးပမ်းခဲ့ကြတဲ့ အာဇာနည်ခေါင်းဆောင်တွေနဲ့ ဗိုလ်ချုပ်အောင်ဆန်းလက်ထက် မြန်မာနိုင်ငံဟာ အဘက်ဘက်ကတိုးတက်ခဲ့တာ သမိုင်းကသက်သေပင်။
အခုလဲ တဘောင်ထဲကလို့ဒေါင်းတွေ အော်နေကြပေပြီ......
ပြည်တော်ပြန် မယ်ထွေးကိုနန်းတင်မှ တိုင်းပြည်အေးချမ်းမည့်အရေးပင်။
တနင်္ဂနွေနံနဲ့ စခဲ့တဲ့မင်းတွေလက်ထက်မြန်မာလို့ ထင်ပေါ်ခဲ့သလို
တနင်္ဂနွေနံအစပြုသူတစ်ယောက်ရဲ့ဦးဆောင်
မှုအောက်မှာမြန်မာနိုင်ငံရဲ့ အနာဂတ်ငြိမ်းချမ်းမှု၊ချမ်းသာကြွယ်ဝမှု၊စည်းကမ်းပြည့်ဝတဲ့ဒီမိုကရေစီ(စစ်စစ်)
ဖြစ်ပေါ်လာမှု ၊ပြည်တွင်းသံယံဇာတတွေကို ပြည်သူတွေသာရရှိနိုင်မှု၊ အစိုးရနဲ့ပြည်သူ တစ်သားထဲရှိနေမှု
တွေ ဖြစ်ပေါ်လာမယ်ဆိုတာ အကြွင်းမဲ့ယုံကြည်ရင်း....
ငြိမ်းအေးလူ ဗေဒင်သုတေသီ
(ကျွန်တော်အနေနှင့် နိုင်ငံရေးဆောင်းပါးတွေ မရေးလို၍ အရိပ်အမြွက်လောက်သာ ပြောပြခြင်းပါ။နိုင်ငံတစ်ခုကို အစပြုခဲ့တဲ့ မင်းတွေ အဆုံးသတ်ခဲ့တဲ့မင်းတွေရဲ့ နေ့နံ
ဇာတာတွေကိုသာ စစ်ဆေးကြည့်မယ်ဆိုရင် အခုကာလ
မင်းပြောင်းမင်းလွဲဖြစ်လာနိုင်တယ်ဆိုတာ ... မြင်သာပါတယ်ဗျ)
Comments
Post a Comment