တစ်နေ့သ၌ မိန်းခလေးတစ်ဦးသည် ကျွနု်ပ်ဆီ၌ လက္ခဏာလာကြည့်၏။ သူမ၏ညာလက်ဝါးပြင်ရှိ နှလုံးလမ်းကြောင်းသည် ကျွန်းသဏ္ဌာန်သံကွင်းဆက်အနည်းငယ်ရှိနေ၏။ လမ်းကြောင်းအဖျားသည် ခက်ရင်းခွသဏ္ဌာန်ဖြင့်အဆုံးသတ်ကာ လမ်းကြောင်းတစ်ခုက လက်မဘက်သို့ကွေးဆင်းသွား၏။ အိမ်ထောင်ရေးလမ်းကြောင်းမှာမူ အပြစ်ကင်း၏။ ထူးခြားချက်ကား ... အသက်လမ်းကြောင်းဘေး ( လက်မခြေရင်းအနီး ) ၌ရုတ်တရက်ကြည့်လျှင် အရံအသက်လမ်းကြောင်း ( အင်္ဂါလမ်းကြောင်း ) သဖွယ် လွမ်းရောင်ခြည်လမ်းကြောင်းလေးပါရှိနေခြင်းဖြစ်၏။ ထို့ကြောင့် ကျွနု်ပ်က ...
" လက္ခဏာအရ သမီးမှာ နှလုံးရောဂါအခံရှိနေတာကို ဆရာသိပါတယ်။ ဒါပေမယ့် ... ဟောသင့်ဟောထိုက်လှတဲ့ဟောချက်တွေကို ဆရာဟောပါရစေ။ ဒီအတွက် သောကရောက်နေဖို့တော့မဟုတ်ပါဘူး။ သမီးအနေနဲ့ဆင်ခြင်သင့်တာဆင်ခြင်ပြီး၊ ရှောင်သင့်တာရှောင်နိုင်အောင်လို့ပါ။ " ဟုနိဒါန်းပျိုးလိုက်ရာ မိန်းခလေးက ...
" ဆရာမြင်တာကိုရဲရဲသာဟောပါဆရာ၊ နှလုံးရောဂါရှိတယ်ဆိုတာကဟုတ်ပါတယ်။ ဒါပေမယ့် သမီးခံနိုင်ရည်ရှိမှာပါ။ ... " ဟုဆိုလေ၏။ ကျွန်ုပ်က ...
" သမီးလက္ခဏာက အချစ်ရေးကံမကောင်းဘူးကွဲ့ ... ချစ်သူတွေရဲ့လှည်းစားမှု၊ သစ္စာမရှိမှုကြောင့် သမီးဘဝမှာအမြဲစိတ်ဆင်းရဲနေရလိမ့်မယ်။ ဒါကြောင့် အချစ်ရေးနဲ့ပတ်သက်ရင် လူယုံမထားတာအကောင်းဆုံးပဲ ... " ဟုရှင်းပြလိုက်ရာ သူမကမျက်နှာလေးညှိုးငယ်သွားရင်း ...
" အခုကိုပဲကြုံနေတာပါဆရာ ... အခုသမီးချစ်သူကမျက်နှာများတယ်။ သူ့ဘက်ကသမီးကိုဘယ်လိုသဘောထားတယ်မသိဘူး။ သမီးကတော့သူ့ကိုဘဝလက်တွဲဖေါ်အဖြစ်စဉ်းစားထားတယ်။ ခက်တာက သူ့ရဲ့စိတ်ဟာ သမီးနဲ့တွေ့ရင်တမျိုး၊ ကွယ်ရာကျတမျိုးဖြစ်နေတယ်။ သူ့ရဲ့စိတ်ကလေးတည်ငြိမ်ပြီး သမီးအပေါ်သစ္စာရှိစေချင်တယ်ဆရာရယ် ... " ဟုညည်းညည်းညူညူလေးပြောလေ၏။ ကျွန်ုပ်က ...
" ဒီလိုလုပ်ကြည့်ပေါ့သမီးရယ် ... အခုဆရာပေးလိုက်မယ့် စမအင်းလေးကို သူ့ဓါတ်ပုံမှာ ညှပ်ထားရမယ်။ ဓါတ်ပုံမရှိခဲ့ရင် သူ့နာမည်ရေးထားတဲ့အဝါရောင်စာရွက်လေးကိုညှပ်ပေါ့။ ပြီးရင်တရားစာအုပ်တစ်အုပ်ကြားညှပ်ထားပေးလိုက်။ ရက်ပိုင်းအတွင်း သူဟာသမီးအပေါ်သစ္စာရှိလာပါလိမ့်မယ်။ " ဟုရှင်းပြလိုက်ပါသည်။ စမအင်းမှာအောက်ပါအတိုင်းဖြစ်၏။ မိတ္တူကူး၍ဆောင်ထားနိုင်ပါသည်။
( စာကြွင်း ) အထက်ပါမိန်းခလေး၏လက်ဝါးပြင်အရ အချစ်ကံခေသူဖြစ်သော်လည်း အိမ်ထောင်ကျလျှင်မူ အိမ်ထောင်ဘက်ကောင်းရတတ်ကြောင်းတွေ့ရပါသည်။
Posted by ဝေဒမောင်မောင်
Ref; thutasann
Comments
Post a Comment